Grønlendski stjórnarleiðarin, Jens-Frederik Nielsen (Demokratiski flokkurin), og grønlendski uttanríkisráðharrin, Múte B. Egede (IA), hava havt ein góðan fund í "góðum tóna" við amerikanska sendiharran í Grønlandi, Jeff Landry, og amerikanska sendiharran í Danmark, Ken Howery.
Tað segði Jens-Frederik Nielsen mánadagin á tíðindafundi í Nuuk, sambært samtulking.
– Vit løgdu dent á tað linjuna, sum vit hava hildið fast um frá byrjan, sigur hann.
– Vit søgdu, at Grønland og grønlendska samfelagið skal virðast.
Við á tíðindafundinum er eisini Múte B. Egede.
– Vit hava ikki broytt støðu. Sjálvandi skal framtíðin hjá Grønlandi avgerast av grønlendska fólkinum, sigur hann.
Jeff Landry kom til Grønlands í gjár, og í dag var Ken Howery saman við honum.
Viðurskiftini millum USA og danska kongsríkið hava verið ógvuliga spent, síðani Donald Trump í desember 2024, stutt eftir at hava vunnið amerikanska forsetavalið, aftur vísti sín áhuga fyri at fáa Grønland á amerikanskar hendur.
Hann vísti sama ynski aftur í 2019, men í øðrum umfari hevur Trump verið meira áhaldandi.
Á leiðini hevur hann ikki noktað at nokta at brúka hermegi fyri at "fáa" Grønland, sum hevur ein týðandi leiklut í trygdarstøðuni í arktiska økinum.
/Ritzau/
