Skjótt fer aftur at bera til at fáa grundstykki í Bø Sørvágs Kommuna hevur í longri tíð arbeitt við eini útstykking í Bø, og á
bygdaráðsfundi í kvøld verður endalig støða tikin til málið, men tað verður
neyvan annað enn ein avgreiðsluspurningur.
Í nýggju útstykkingini í Bø eru átta grundstykki, og tað fer uttan iva at
koma væl við, tí tað er áhugi fyri at seta seg niður í Bø.
Suni Jacobsen, borgarstjóri sigur, at tey hava einar seks, sjey umsóknir
liggjandi um at fáa grundstykki í Bø.
Talan er bæði um fólk, sum hava tilknýti til bygdina og um fólk, sum als
einki tilknýti hava til Bø frammanundan.
Tá í bygdaráðið endaliga hevur samtykt útstykkingina, fáa umsøkjarnir tilboð
um grundstykki. Taka teir ikki av, fer tað at standa øðrum frítt fyri at
søkja um tey.
Á tekningini sæst, hvar tey nýggju grundstykkini vera. Ljósagráa linjan
ovast, er landsvegurin og tey nýggju grundstykkini eru víst við myrkagráum,
liti.
