Á tíðindafundi á miðdegi kunngjørdi Jóannes Eidesgaard, fíggjarmálaráðharri, fíggjarkarmin komandi árini. Í tráð við tilmæli frá Búskaparráðnum skal hallið á fíggjarlógini minkasgt stigvíst úr verandi 780 milliónunum niður í 360 milliónir krónur í 2015.
Jóannes Eidesgaard, fíggjarmálaráðharri, sigur, at talan er um úrslit av samráðingum millum fleiri flokkar, og at tað tí ikki er eitt úrslit, ið hansara egni flokkur einsamallur hevði komið til.
Í høvuðsheitinum skal miðast ímóti at:
? fáa tamarhald á hallinum og vaksandi almennu skuldini
? tryggja búskaparvøkstur
? fáa fleiri skattakeldur
? varðveita grundleggjandi vælferðartænasturnar
? sleppa undan at hækka lønarskattin
Hallið á fíggjarlógini fyri 2011 skal haldast á 645 milliónum og íløgurnar á 188,4 milliónum krónum. Einki er sett av til fiskirannsóknarskip ella til Nólsoyarferju, so ætlanin um at varðveita skipasmíð sum handverk er eftir øllum at døma slept.
Í sambandi við framløguna av fíggjarkarminum upplýsti Jóannes Eidesgaard, at rentan av lánsbrøvunum, ið Landsbankin skrivaði út fyrr í mánaðinum er sett til 3,2%.
