Møguleikin var til staðar, at liðskiparin á føroyska fótbóltslandsliðnum, Hallur Hansson og liðfelagarnir í KR kundu trekja HB í fyrsta undanumfarinum í Europa Conference League.
HB trekti Newtown úr Wales, ið verður mett at vera eitt gott lutakast.
KR hinvegin hevði ikki hepnið við sær. Hallur og liðfelagarnir í KR trektu pólska liðið, Pogon Szczecin sum endaði á einum triðja plássið í bestu pólsku fótbóltsdeildini undanfarna kappingarár.
Hallur Hansson verður einasti føroyski fótbóltsútisetin, ið fer at royna seg í evropeiskar kapping fyri felagslið í summar.
Hitt íslendska liðið, Breiðablik sum er greitt oddalið í bestu íslendsku fótbóltsdeildini fekk eitt heppið lutakast. Breiðablik møtir UE Santa Coloma úr Andorra.
Ísland hevur bara trý felagslið í teimum evropeisku kappingunum hesaferð. Føroyar hava fýra.
Dystirnir í fyrsta undanumfarinum vera leiktir 7. og 14. juli.
