Tað var síðsta útkall hjá Neistanum.Taptu neistakvinnurnar hevði verið lítið sannlíkt, at tær høvdu havt virknan leiklut í finalustríðnum. Tað, sum var síðsta útkall, er nú ein stórur fyrimunur. Neistin er tvey stig aftan fyri ovastu liðini, men bæði Tjaldur og Stjørnan skulu á vitjan í høllini á Hálsi næsta mánaðin. Neistin hevur bara ein útidyst eftir á skránni. Tað er móti botnproppinum StÍF – og grannauppgerðin móti Kyndil, har Neistin skal spæla sum útilið.
Sjey mál skilti liðini, tá Neistin vann á VB, sum undan dystinum ikki hevði tapt í síðstu fimm landskappingardystunum.
Tætt í oddinum
Neistin er tvey stig aftan fyri Stjørnuna, og tvey stig aftan fyri Tjaldur. Neistin er undir trýsti, tí liðið hevur tapt tvær ferðir fyri bæði Stjørnuni og Tjaldri, men bara vunnið eina ferð á hvørjum teirra.
Hóast Neistin skal spæla móti oddaliðunum eina ferð aftrat, styrkir tað ikki um støðuna, kann tað serliga fáa stóran týdning, at dystirnir eru á heimavølli.
Torførur dystur
VB er komið upp í ferð, og vágskvinnur hava skavað eina rúgvu av stigum saman seinastu vikurnar. 9 stig av 10 møguligum vóru ræðandi hagtøl, áðrenn Neistin fór til Vágs. Tað løgdu neistakvinnur lítið í. Høvuðsstaðarfelagið vann 33-26.
Tað verða dystirnir móti Tjaldri og Stjørnuni, sum vera avgerandi fyri, hvørji lið skulu spæla finalurnar um føroyameistaraheitið. VB og Kyndil hava prógvað, at tey kunnu arga ovastu liðini. Neistin stóð royndina móti vágskvinnum hesaferð. Kyndil fer helst at gera alt fyri, at grannarnir ikki sleppa í finalurnar.
Tað hjálpir lítið at hugsa, hvat kann fara at henda. Um eina viku hava vit kanska øðrvísi støðu. Tá vitjar VB hjá Stjørnuni í Klaksvík, Neistin fær vitjan av VÍF, og Tjaldur spælir á heimavølli móti StÍF.
