Í kvøld klokkan 18 kemur heimsins størsta jólaskip undan Klakkinum og stevnir inn á Klaksvík.
Í heilt nógv ár hevur Ågot verið fast jólaskip í Klaksvík, men av tí at skipið í ár er burturstatt, hava fyrireikararnir leitað eftir nýggjum skipi. Og ikki kann sigast annað, enn at nýggja skipið bæði verður flott og stórt ? tí talan er um ikki minni enn stóra og stásiliga nótaskipið Norðborg.
Jólamenninir heita á øll fólk um at verða væl ílatin og at vera væl skødd.
Skráin fyri tiltakinum er hendan:
Kl. 18.00 Jólaskipið kemur undan Klakkinum
Kl. 18.15 Jólaskipið leggur at
Kl. 18.30 Skrúðgonga við hornorkestrinum og jólamonnunum fara heim á ítróttavøllin.
Kl. 18.30 Borgarstjórin bjóðar jólamonnunum vælkomnum
Kl. 18.35 Felagssangur: Lítla fitta nissa mín
Kl. 18.40 Høvuðsjólamaðurin heldur røðu
Kl. 18.45 Felagssangur:
Kl. 18.50 Høvuðsjólamaðurin leypur uppum jólamenn
Kl. 19.00 Ársins Rósa verður handað
Kl. 19.10 Felagssangur: Gleðilig Jól
Kl. 19.15 Jólamenninir geva jólapakkar út til øll børnini
