Landsstýrimaðurin í fíggjarmálum, Jørgen Niclasen, hevur valt nýggja nevnd fyri Landsbanka Føroya, sum eisini er Búskaparráð. Og tað hevur hann gjørt eftir tilmæli frá stýrinum fyri Fróðskaparsetrinum. Førleikakrøv til limirnar eru: Búskaparfrøði, Fígging og kreditmeting, føroyskt vinnulív og serligt innlit í føroyska fíggjargeiran ella búskapin í Føroyum.
Í nevndini eru vald: Fróði Magnussen, Cand. merc., formaður, Sanna Laksá, Phd. economics, Jan Otto Holm, Cand. merc, Helena Andreasen, Cand. merc. aud. og Johnny í Grótinum, Cand. polit.
Nevndin er vald fyri trý ár.
