Tað var so óheppið, sum tað kundi vera, tá ið ein maður doyði í eini ferðsluvanlukku í Havn klokkan hálvgum sjey sunnumorgunin.
Maðurin gekk á gongubreytini, men kortini varð hann yvirkoyrdur og
So hóast tann 55 ára gamli maðurin gekk, har hann átti at ganga, slapp hann ikki undan, tá ið ein bilur koyrdi upp á gongubreytina og rakti hann so meint, at hann doyði á staðnum.
Maðurin hevði koyrt hýruvogn um náttina og hevði júst sett bilin til tann, ið skuldi yvirtaka koyringina og skuldi spáka sær til hús, tá ið vanlukkan hendi.
Vanlukkan hendi á Marknagilsvegnum, ella Ringvegnum, beint við íbindingina í Dalavegin.
Ein bilur kemur koyrandi norður eftir Ringvegnum, tá ið førarin av onkrari orsøk missur tamarhaldið á bilinum.
Tað er greitt, at bilurin rakar “oynna” mitt á vegnum og fer slongjandi yvir í vinstru síðu, har hann rakar mannin á norðaru gongubreytini.
Eftir ákoyringina, fer bilurin fer bilurin víðari eftir ringvegnum, framvegis uttan at førarin hevur tamarhald á honum og síðani fer hann omanum aftur vegnum og útav í niðaru síðu og oman í bøin.
So hóast løgreglan ikki enn veit, hví førarin misti tamarhaldið á bilinum, metir hon í øllum førum, at ferðin hevur verið í meira lagi.
