Myndir: Álvur Haraldsen

Víðkað grein

Bilar

Myndir: Álvur Haraldsen

Ellisakfarið í Sosialinum: Buick Riviera frá 1966

Jákup Eli á Lava í Havn eigur ein flottan Buick Riviera frá 1966. Hesin er ein stórur og væl hildin bilur, og eitt av væl umtóktu ellisakførunum frá 1960-unum

Myndir: Álvur Haraldsen

Myndir: Álvur Haraldsen

Jákup Eli hevur stóran áhuga fyri ellisakførum, og hevur hann átt fleiri gamlar bilar sum t.d. Jeep Wrangler og Ford Mustang.

 

Eftir at hann seldi sín Ford Mustang frá 1966 til Rúna Djurhuus, hevði hann eitt ynski um at keypa ein annan Mustang frá 1971.

 

Hann fór saman við fleiri í felagnum fyri amerikanskar bilar í Føroyum, Am Car Føroyar, á eina bilstevnu í Øster Urup nærindis Aalborg í Jútlandi. Har fall hann fyri hesum Buick'inum í somu løtu, hann sá bilin.

 

Jákup Eli fekk bilin heim við sær við Norrönu tveir dagar seinni eftir at hava tingast við eigaran um prísin.

 

Bilurin hevur ein serligan orange-littan lit. Hann líka penur undir botninum – enntá í sama liti sum alt hitt. Hann er sproytaður allur sum hann er.

 

Jákup Eli eigur og rekur fyritøkuna Blikksmiðjan á Lava. Har hann hevur góðar umstøður til at gera ymiskt t.d. hevur hann galvaniserað allar skrúvurnar í bilinum.

 

Motorurin er merktur 7.100 cc, hann er sera kvikur og hevur góða kraft.

 

Jákup Eli sigur, at hóast hetta er ein bilur, sum brúkar nógv bensin, er tað til at liva við um koyrt verður hóvliga.

 

Hann er við til koyritúrar saman við øðrum sum eiga amerikanskar veteranbilar. Tá ið veðrið er gott, fara teir út at koyra og hugna sær. Her eru lutfalsliga nógvir amerikanskir veteranbilar í Føroyum. Eisini er bilurin hjá Jákupi Eli at síggja til flaggdagkoyring og onnur tiltøk.   

 

Bilurin er sera væl útgjørdur við t.d. fartpiloti, elektriskum rútum, og setrini framman kunnu stillast upp og niður og aftur og fram. Setrini eru annars spesialseymað og polstraði av nýggjum. Hetta hevur verið ein ordiligur luksusbilur í 1960-unum.

 

Eitt sum er sermerkt við hesum bilinum er, at hann hevur fjaldar forlyktir, sum koma fram, tá brúk er fyri teimum. Annars sær hann út, sum hann als ikki hevur nakrar forlyktir.

 

Bilurin stendur inni í gar­asj­uni í sama temperaturi, 20 stig­um, alt árið. Hetta er við til at tryggja, at bilurin ikki rust­ar.

 

Buick er eitt gamalt am­er­ik­anskt bilmerki, sum var part­ur av General Motors. Buick eru kend­ir fyri at gera stórar og flottar persónbilar í luks­us­klass­anum.

 

##med2##

##med3##

##med4##

##med5##

##med6##

##med7##

##med8##

##med9##

##med10##

##med11##

##med12##

##med13##

##med14##

##med15##

##med16##

##med17##

##med18##

##med19##

##med20##

##med21##

##med22##

##med23##

 

##med24##

##med25##

##med26##

##med27##

##med28##

##med29##

##med30##

 

Fyrstu nummarpláturnar komu í 1930

 

Ta fyrstu tíðina koyrdu bilarnir uttan nummarplátur. Tær fyrstu 100 nummarpláturnar verða um-bidn-ar seint í 1930, og fyrst í 1931 koma plát-u-r-nar til Føroya. Hesar plát-ur høvdu politihond framman fyri nummarið, men ongar »kenningsstavir«. Seinni kom »Fø« at standa frammanfyri.

 

   

 

Mest lisið

Semju við fakfeløg um pensjónsaldur

Eftirlýsta gentan funnin

Ræðuliga nógv fólk og ræðuliga nógvir bilar

Myndir: Ólavsøkudagur

Myndir frá ólavsøku

Myndir: Álvur Haraldsen

Buick Riviera hjá Jákup Eli á Lava er frá 1966. Hann fór saman við fleiri í felagnum fyri amerikanskar bilar í Føroyum, Am Car Føroyar, á eina bilstevnu í Øster Urup nærindis Aalborg í Jútlandi. Har fall hann fyri hesum Buick'inum í somu løtu, hann sá bilin.

Bilurin er ein Buick Skylark coupé árgang 1966 hjá Hans Pet­uri Poulsen á Eiði. Hans Petur keypti bilin í Danmark í 1976 og hevði hann við heim til Føroyar í 1978. Bilurin, sum var hvítur við svart­ari leðurkabinu, hevði 5.5 litra V8 motor við 285 hk. Í 1982 varð bilurin seldur til Suðuroyar. Buick Skylark vóru gjørdir av General Motors í USA í trim­um ymiskum tíðarskeiðum frá 1953 til 1998. Hetta mod­ell­ið var gjørt frá 1964 til 1972. Myndaeigari: Hans Petur Poulsen

Buick 40 Sedan og Bentley S2 hjá Hans Elmari Poulsen í Vatnsoyrum. Mynd tikin í sambandi við at Vágatunnilin læt upp í 2002. Mynd: Magnus Gunnarsson

Myndin er av einum Buick árgang 1937 hjá Williami Sloan í Havn. William koyrdi hýruvogn frá 1942 til 1947. Hann stovn­aði bilstøðina Taxa, sum helt til í Vágsbotni til 1945, tá flutt varð í nýggja bilstøð í Lucas Debesargøtu. Myndaeigari: Daisy Sloan

Myndin er tikin á Essostøðini hjá Frits Jensen í Gunda­dali. Arnfríði Dam Jacobsen letur bensin í ein reyðan Ramb­ler Classic frá 1962 hjá Eivindi Christiansen í Vest­manna. Mynd: Eirikur Ólason Simonsen

Austin Mini 850 hjá Allan Brockie, sum hann keypti í 1964. Bilurin hevur nummarplátuna Fø 5.555. Bilin keypti hann sum eitt ára gamlan frá Hans Jacob Hermansen. Mynd: Alan Brockie ____________________________________________________

Brúgvin um Sandá 100 ár Fyri júst 100 árum síðani í dag, 25. apríl í 1925, skrivar Dimma­lætt­ing soleiðis um brúnna um Sandá úti í Havnardali: »Broen ov­er Sandaa har været udbudt til Licitation. Der var indkomen 5 Til­bud, som forelaa til Behandling i sidste Byraadsmøde: Jo­han­nes Simonsen: 24.300 kr, Ole Arge: 21.982 kr, Chr. Jensen, Kvivig: 16.850 kr, Jacob Christiansen: 14.840 kr, Vilhelm Sam­u­el­sen 12.487 kr. Der vedtoges at antage det laveste Bud paa 12.487 Kr fra Vilhelm Samuelsen (seinni Tórsheim)«

Saknar nummarplátur á bilunum Soleiðis skrivaði Sjúrður Patursson í Tingakrossi í 1930: »Eg loyvi mær at spyrja yvirvaldið; politimeistaran ella hvør ið annars hevur ráðið yvir bilkoyrsluni, um teir ikki kundi fingið útint, at hvør bil fær sítt nummar, nú hesi akfør eru vorðin so nógv í tali. Tað hendir ikki sjáldan um hetta mundið, at hagaportur o. fl. ikki verða lokaðu eftir tær, og ikki ber til at kenna bilurnar av teirri orsøk, at tær einki nummar hava. Í vón um, at hetta verður framt sum skjótast«.