Sunnumorgunin fekk politistøðin í Havn fráboðan um at tveir unglingar vóru í ferð við at fremja herverk á ein bygning.
Talan var um matstovuna Áarstovu sum liggur á Kongabrúnni í høvuðsstaðnum.
Fráboðanin ljóðaði, at hesir báðir menninir vóru í ferð við at bróta ein rút við at sparka hann inn.
Løgreglan var skjót á staðið, men tá vóru ungu menninir horvnir. Staðfestast kundi kortini, at rútar vóru brotnir, men enn er eingin tikin í hesum máli.
