Ovastevnan er meiri ella minni skolað burtur, men framvegis er góði dansurin eftir. Har fara tveir av bestu tónleikaraunum í landinum at spæla. Teir hava spælt fótbólt í øllum regninum í dag, og nú fara teir at spæla til dans. Tað verður úti á gamla flakavirkinum, og tá so frægir tónleikarar sum Jans Marni Hansen og Terji Rasmussen standa fyri, er tað trygd fyri góðum tónleiki.
Og boðini frá fyrireikarunum eru, at fólk skulu ikki halda seg aftur, tí stevnuhýrið er gott í Nólsoy í kvøld, hóast vána veðrið.
