Í vikuni reisti byggifyritøkan Norðsetur, sum hevur heimstað í Hvalvík, triðja húsið í Kvívík síðan mai mánað.
- Húsini standa í nýggju útstykkingini Frammi í Gerði, siga tey í Kvívíkar kommunu.
Lagt verður aftrat, at hini bæði húsini, sum Norðsetur hevur bygt í Kvívík seinasta árið, standa í útstykkingini á Víkarvegnum.
Fleiri nýggj hús standa í gerð í Kvívíkar kommunu í løtuni, og fleiri byggiloyvi eru givin.
Vit kunnu leggja aftrat, at nýggj hús eisini verða bygd á Skælingi, sum er partur av Kvívíkar kommunu.
Borgarstjórin, Hans Jóhann Sørensen, fegnast um áhugan at seta búgv í kommununi.
Myndamaðurin, Jens Kristian Vang, sum eisini býr í Kvívík, hevur sent kommununi nakrar myndir.
##med2##
##med3##
