Men tað hava vit ikki, um vit hyggja upp á vinnupolitikkin og viljan hjá landsstýrinum at privatisera almennar fyritøkur.
Áðrenn Kaj Leo Holm Johannesen bleiv løgmaður og Jørgen Niclasen yvirtollari í glashúsinum á Argjum, hvødu vit ein vinstravendan javnaðarløgmann, Jóannes Eidesgaard.
Eidesgaard kláraði tað, sum borgarligir politikarar hava tosað um í áravís, at privatisera almenna Føroya Banka og fyrsta partin av Atlantsflog. Men so fingu vit borgarliga stýrið, og stígur kom í. Nú er einki tosa um privatisering. Nú spekulera teir borgarligu, hvussu teir kunnu nationalisera Atlantsflog.
– Nei, ikki er politikkur altíð lættur at skilja – men at teir ráðandi eru liberalir og trúgva upp á marknaðarkreftirnar, man tað ikki vera ein býur í Kina...
