Hvørki Tottenham ella Liverpool tóku av

Tríggir dystir hava verið í Premier League í dag. Southampton, sum hevur vunnið seg fram á triðja pláss, er einasta liðið, sum megnaði at vinna. Tottenham misti sigurin móti dystarenda á útivølli móti Crystal Palace, meðan Liverpool kom for seint í gongd á útivølli móti Fulham.

Tottenham er framvegis oddalið, men helst hevði José Mourinho ynskt at verið tvey stig longur frammi. Harry Kane legði Tottenham á odda í London-grannauppgerðini móti Crystal Palace, men stutt fyri tíð javnaði Jeffrey Schlupp, eftir ein málmansdropp frá Hugo Lloris.

Liverpool kom ikki gongd fyrr enn 40 minuttir vóru spældir á Cavren Cottage móti Fulham. Tá var heimaliðið á odda 1-0, og kundi verið á odda við fleiri. Liverpool trýsti fyri at javna, men tað skuldi eitt brotsspark til, áðrenn Mohamed Salah kundi javna.

Southampton er í holt við eitt framúr kappingarár. Liðið úr suðuronglandi er í løtuni á triðja plássi, eftir at hava vunnið 3-0 á Sheffield United, sum liggur niðast við bara einum stigi.