Í kvøld verður farið undir ársins hálvfinalur í Faxe Kondi-kappingini - Steypakappingini í hondbólti.
Frá in.fo:
Steypahondbóltur: Klárt til hálvfinalurnar
FM1 sigur frá báðum Faxi Kondi hálvfinalunum í kvøld
Súna spælir í kvøld - men VÍF er betri fyri
Styrkt Neistalið er í betri stima enn H71
Kvinnurnar leggja fyri í kvøld, meðan menninir byrja í morgin.
Skráin er hendan:
Mikudagin – fyrru hálvfinalur hjá kvinnum:
Kyndil – VÍF (18.00) Høllin á Hálsi
Dómarar: Jákup Símun Simonsen & Gunnar Djurhuus
H71 – Neistin (20.00) Hoyvíkshøllin
Dómarar: Daniel Rapa & Jákup Sverri Kass
Hósdagin – fyrru hálvfinalurnar hjá monnum:
Neistin – H71 (20.00) Høllin á Hálsi
Dómarar: Bárður Brimvík & Jógvan Skeel Nolsøe
VÍF – Kyndil (20.00) Høllin í Vestmanna
Dómarar: Hannis Wardum & Heri Petersen
Leygardagin – seinnu hálvfinalurnar hjá kvinnum:
VÍF – Kyndil (18.00) Høllin í Vestmanna
Dómarar: Dánjal Samuelsen & Heri Petersen
Neistin – H71 (18.00) Høllin á Hálsi
Dómarar: Bárður Brimvík & Jógvan Skeel Nolsøe
Sunnudagin – seinnu hálvfinalurnar hjá monnum:
H71 – Neistin (16.00) Hoyvíkshøllin
Dómarar: Dánjal Samuelsen & Heri Petersen
Kyndil – VÍF (16.00) Høllin á Hálsi
Dómarar: Bárður Brimvík & Jógvan Skeel Nolsøe
Hvørt mál er avgerandi
Kappingarleisturin er hin sami, ið vit kenna frá seinastu árunum.
Hálvfinalurnar verða avgreiddar í tveimum dystum. Einum heima og einum úti.
Savnaða úrslitið í teimum tveimum dystunum ger av, hvør spælir seg í finaluna.
Enda liðini á jøvnum eftir báðar dystirnar, verður avgerandi hvør hevur skotið flest mál á útivølli.
Tí hava liðini ikki ráð at slakka av í stytstu løtum. Hvørt mál er avgerandi í savnaða úrslitinum.
Hetta sást millum annað í fjør, har favorittarnir hjá monnum, H71, máttu lúta fyri Kyndli, tá ið Kyndil einu løtuna legði seg á odda við seks málum.
Kyndil vann tá við seks málum á heimavølli, meðan H71 vann við trimum málum í sínum heimadysti. Av teimum fýra hálvleikunum hevði H71 vunnið tríggjar - Men tað er ikki altíð nóg mikið í steypahondbólti.
