Í gjár bórust tíðindini um, at 12 fólk vóru staðfest deyð í einari spreinging á einari heilivágsverksmiðju í Telangana har suðuri í India í gjár. Umframt tey deyðu, varð sagt, at fleiri fólk høvdu fingið løstir.
Spreingingin var í heilivágspartinum á verksmiðjuni, Sigachi Industries, og her kom eisini eldur í. Úr India varð sagt, at tíggju fólk vórðu staðfest deyð á staðnum, og tvey vóru deyð á sjúkrahúsi.
Lagt varð aftrat, at fleiri enn 30 fólk vóru innløgd á sjúkahús við løstum. Tíðindastovan AFP visti at siga, at tað ikki er óvanligt, at spreingingar kunnu koma fyri í slíkum kemiskum virksemi.
Í morgun frættist, at talið av deyðum í spreingingini nú er komið upp á heili 36, og framvegis liggja fleiri, sum gjørdust partur av vanlukkuni í India, á sjúkrahúsi.
Hetta veit tíðindastovan AP at siga í morgun.
##med2##
India rúmar fleiri av heimsins størstu heilivágsverksmiðjum, og landið er stórur veitari av heilivági og koppingarevnum. Sagt varð eisini, at Sigachi Industries Limited eigur fimm heilivágsverksmiðjur í India.
