Ingibjørg Olsen hevur fingið nakrar upplivingar á vegnum sum leikari hjá ÍBV.
Í hesum døgum er ÍBV á Madeira fyri at spæla tveir dystir móti portugisiska liðnum, Madeira Andebol í Europa Cup kappingini.
Í dag átti ÍBV tekniskan heimavøll á Madeira.
Tað gekk einki serligt, tí Madeira vann ein greiðan 30-23 sigur á ÍBV.
Í steðginum var Madeira á odda 16-11.
Ingibjørg skoraði tvey mál fyri ÍBV í dag.
Í morgin klokkan 17 spæla liðini seinna dystin. Tað fer at krevja ein sigur til ÍBV uppá átta mál fyri, at tær skulu vinna seg víðari í kappingini.