Íverksetarahúsið bjóðar fríggjadagin 80 10.floksnæmingum til Gjáar, har Undirbeat, Boys in a Band og íverksetan er á skránni Íverksetarahúsið hevur tikið stig til eina ferð til Gjáar undir heitinum Innovation Camp.
Endamálið er at upplýsa 10.floksnæmingum og aðrar luttakarar um møguleikarnar fyri íverksetan í Føroyum.
Nógvar fyrilestrar eru á skránni, millum annað verður Regin Dalsgaard, Rani Nolsøe og Sunnvá Háberg Eysturstein.
Fyrilestrahaldararnar venda sær serstakliga til ungdómin, og í tí sambandi verður eisini prátað um Paintball Føroyar og Klippfisk.
Dagurin byrjar við tónum frá Undirbeat, og endar við Boys in a Band.
Fyrireikarar siga, at tiltakið eftir ætlan skal verða afturvendandi.
