Verjan hjá iransku kollveltingarhirðuni hevur í dag herflotavenjing í Hormussundinum.
Hetta veit tíðindastovan, Reuters, at siga í dag.
Iranska herflotavenjingin verður hildin dagin fyri, at samráðinarnar millum Iran og USA um eina kjarnorkuavtalu skulu takast uppaftur.
- Venjingin hevur til endamáls at royna tilbúgvingina, um møguligar trygdar- og hernaðarligar hóttanir eru, verður sagt úr Iran.
Iranski uttanríkisráðharrin, Abbas Araghchi, er annars komin til Genéve í Sveis at samráðast við USA um eina kjarnorkuavtalu.
- Eg eri í Genéve í royndini at fáa eina rættvísa og rímiliga avtalu, skrivar uttanríkisráðharrin á X, fyrrverandi Twitter.
Í Sveis skal Abbas Araghchi eisini hava samrøður við sveisiska uttanríkisráðharran, og hann skal hava samrøður við leiðaran fyri Altjóða Kjarnorkustovnin (IAEA), Rafael Grossi.
##med2##
