Umboð fyri Oman og Iran eru í dag í samrøðum um Hormussundið og møguleikarnar at tryggja skipaferðsluna gjøgnum sundið.
Tað er almenna tíðindastovan ONA í Oman, sum ber hesi tíðindi í dag, sum aðrir miðlar eisini endurgeva.
- Oman og Iran hava hildið fund á vararáðharrastigi í uttanríkisráðunum hjá londunum, og serfrøðingar hjá báðum pørtum hava verið við.
ONA skrivar, at møguleikar eru umrøddir, sum kunnu tryggja skipaferðsluna gjøgnum Hormussundið.
- Serfrøðingar á báðum síðum løgdu fram eina røð av hugskotum og uppskotum um, hvussu skipaferðslan aftur kann tryggjast.
Einki verður tó sagt um, hvør niðurstøðan á fundinum millum Oman og Iran er.
##med2##
Amerikanski forsetin, Donald Trump, segði í gjár, at Iran hevur eina freist á 48 tímar at ganga við til eina avtalu um at lata Hormussundið uppaftur.
- Um hetta ikki verður gjørt, verður fanin leysur, sum amerikanski forsetin málbar seg.
