Høvuðspumpan til ísvøllin á Vaglinum fór fríggjadagin.
- Pumpan gerst ikki aftur og roynt hevur verið at útvega eina slíka pumpu uttanlands - ella at tillaga eina pumpu, sum kann útvegast í Føroyum til vøllin.
Tórshavnar kommuna sigur í morgun, at vøllurin fyribils er stongdur, og at nærri boð koma seinnapartin um, hvussu verður við vøllinum.
Sambært skrivinum, sum kommunan hevur sent út í morgun, er ikki vist, at vøllurin letur uppaftur, tí sagt verður "um og nær vøllurin letur uppaftur..."
Seinni í dag verður so meiri at frætta um, hvussu verður.
