Fótbóltslagið er framúr hjá Suðringum, sum við einum framúr roysni í dag eru oddalið í effodeildini.
Suðringar vóru aftanfyri 0-2 ímóti B36, men við tveimum málum hjá Jón Krosslá Poulsen, og einum sigursmáli hjá Poul Ingason gjørdu suðringar eitt ótrúligt "comeback", og tryggjaðu sær aftur trý stig á heimavølli. Suðringar hava vunnið allar tríggjar heimadystirnar higartil í landskappingini.
TRÝST á PÍLIN undir MYNDINI, og hoyr samrøðuna, sum Rás2 hevði við Jón Krosslá Poulsen, sum var sera fegin um sigurin.
Í samrøðuni greiðir Jón Krosslá Poulsen frá báðum málunum hann skoraði við Stórá í Trongisvági í dag, og hann greiðir eisini frá hvussu Suðringar vendu einum hóttandi 0-2 tapi til ein 3-2 sigur: - Okur vísa ein ótrúligan stríðsvilja, slær álopsessið úr Vági fast.
