DANMARK 1. DEILD
Eftir at Frem nakrar ferðir ikki hevur havt eydnuna við sær, eydnaðist tað mikukvøldið at vinna fyri aðru ferð á rað. Hesa ferð var Frem í Gladsaxe og vitjaði AB. Frem vann 2-1. Teir fingu bæði málini undan steðginum. Tað fyrra stútaðu teir eftir hornaspark og aftur og fram, og tað seinna var brotsspark eftir stórt kiks í verjuni.
Tá ið tað restaðu tjúgu minuttir, minkaði heimaliðið um munin. Síðstu løtuna var stórur spenningur, men Frem megnaði at halda tørn.
Jón Rói Jacobsen var allar 90 minuttirnar í Frem miðverjuni, og hann fær enn eina ferð gott skoðsmál. Onkra ferðina var hann við í álopunum, og tá ið støðan var 1-0, var tað um reppið, at hann skoraði við høvdinum. Gunnar Nielsen hevur sitið so trúgvur á beinkinum sum eykamálverji alt hetta kappingarárið, og tað gjørdi hann eisini mikukvøldið.
Jón Rói aftur fult
