Týska Karin Dor, ið var Bond genta í You Only Live Twice frá 1967, er deyð.
Hon doyði í heimi sínum í Munchen mánadagin, at hava veri útfyri einum óhepnum falli í fjør.
Karin Dor gjørdist 79 ár og var við í mongum filmum í heimlandinum, frá hon var 17 ára gomul.
Á altjóða pallinum fekk eyguni upp fyri henni, tá hon leikti reyðhærda Helga Brandt í 007 filmi, har hon fær uppgávuna at gera av við Bond, leiktur av Sean Connery.
Dor spældi eisini í Hitchcock filminum Topaz og røðunum Ironside og The FBI.
Í fjør datt hon, tá ein mamma skumpaði ein barnavogn frammanfyri sær, og rendi á Dor. Fallið var óheppið. Hon misti vitið í 15 minuttir.
Hon fekk tað betri, men royndir vístu, at skaðarnir ikki vóru horvnir. Og endaliga var hetta við til at hon mánadagin doyði.
