Javnaðarfelagið á Tvøroyri virðir ikki demokratiið. Tað sigur Kristin Michelsen í dag.
Spyr Signar Dam hvør støðan er. Eg havi einki hoyrt aftur, sigur Kristin Michelsen, sum nú er afturvaldur borgarstjóri á Tvøroyri.
Støðan í Javnaðarflokkinum - í øllum førum á Tvøroyri - er nakað spent, nú flokkurin er farin í tvíningar, og Kristin Michelsen aftur er blivin borgarstjóri við stuðul frá uttanflokkalistanum.
Spurningurin er so, hvat nú skal henda.
Tað hevur gingið sum rótasúpan á Tvøroyri, at Kristin Michelsen er ávegis inn í Fólkaflokkin, men hesum vil Kristin Michelsen ikki kennast við.
- Hatta er ein lodrøtt lygn, sigur Kristin Michelsen.
In.fo fylgir málinum.
