Jens Mortan innsettur sum prestur

Dagfinn Olsen

Hetta fór fram í kirkjuni í Hval­ba, har nýggi presturin eisini fer at búgva við familju síni í prestagarðinum í Leir­um í Hvalba.
Biskupur, dómpróstur og um­l­eið helm­ing­ur­in av prest­u­num í Før­oy­um tóku lut í há­tíð­ar­merktu guðs­tæn­ast­uni í kirkjuni í Hvalba, um­framt at kirkjan var fullsett av kirkjufólki.
Uni Næs, dómpróstur, hand­aði Jens Mortani Mort­ensen kalsbræv og setan­ar­bræv, og eftir hetta helt nýggi presturin fyrstu prædikuna í kirkj­uni í Hvalba.
Jens Mortan Mortensen hev­ur í fleiri ár verið urg­u­leik­ari í kirkjum í Suð­ur­oynni, umframt at hann t. d. eisini hevur stjórnað kirkju­kór­i­num Ljomi í Vági í nøkur tíð­ar­skeið. Kórið sang eisini til inn­set­an­ar­guðstænastuna í Hvalba í dag. Tróndur Enni leikti tromp­et og Gudmund Mort­en­sen leikti urgu og leiddi kór­ið. Gudmund Mortensen er annars urguleikari í Dóm­kirkj­uni og er eisini bróður nýggja prestin, Jens Mortan Mort­ensen.
[email protected]