John Petersen og Jákup á Borg verða gestir í Fótbóltspanelinum á Rás2 í dag klokkan 16. Serliga høvið til, at júst John Petersen og Jákup á Borg eru gestir er, at Jákup á Borg farna sunnudagin tók metið hjá John Petersen sum mest skorandi spælarin í bestu deildini í Føroyum.
Hvat fyri mál hja John Petersen og Jákupi á Borg minnist tú best?
Tá Jákup á Borg skoraði til 2-0 móti TB, var tað samstundis hansara mál nummar 148 í bestu deildini. Tað er eitt fleiri enn John Petersen, sum átti metið frammanundan.
John og Jákup kennast væl frá tíðini í B36, tá teir millum annað vunnu meistaraheitið í 1997, sum tá var tað fyrsta í nógv ár hjá felagnum. Hesi árini vóru John og Jákup eitt tað vandamiklasta álopsparið í føroyskum fótbólti.
Jákup hevur eisini givið John Petersen stóra æru av metinum. Hetta vísti hann serliga við, at renna upp í B36 húsið og mussa John Petersen, tá hann hevði skorað mál nummar 148.
Í dag fara teir at meta um dystirnar í 7. umfari í Effo-deildini, umframt at teir fara at tosa um gamlar dagar og tey nógvu málini teir hava skotið.
Effo-deildin 7. umfar:
Leygardagin:
FC Suðuroy – HB (15.00)
NSÍ – AB (18.00)
Sunnudagin:
ÍF – B36 (15.00)
KÍ – EB/Streymur (15.00)
TB – Víkingur
