Røðin »Hendur ið Sleptu« í Sosialinum við frásagnum úr gamla kirkjugarði í Havn telur um 235 greinar, sum hava umrøtt stórt sæð allar teir 300 gravsteinarnar í kirkjugarðinum við teirra um 500 nøvnum. Hetta er um leið fjórða hvørt fólk, sum er jarðað har, síðan byrjað var at skriva protokoll í 1869.
Hetta merkir, at gamli kirkjugarður man vera mest søguríka pláss í Havn, sum so ella so hevur tilknýti til ein stóran part føroyingum.
– Hvør einasta av hesum grøvum umboðar eina serstaka søgu, og hesar spenna sera langt út heim, heilt til New Zealand. Her eru røtur til fittligan stóran part av Havnar og Føroya søgu, sigur Óli Jacobsen, sum hevur skrivað allar hesar greinar í Sosialinum.
Hann vísir á, at tað sum er skrivað í júst hesi røðini kann sigast at vera søgan um fólkið í Havn í 19. og inn í 20. øld.
Men harumframt hevur Óli Jacobsen í røðini »Miðvikan« og »Siðsøga« í Sosialinum og bókum skrivað minst líka nógv afturat um hesi fólk og ætt teirra.
– Eitt nú um Müller og Djurhuus ættirnar umframt um Dollan, vísir Óli Jacobsen á.
Hann vísir á, at tað tað merkist millum fólk ein ógvuliga stórur áhugi fyri hesi røðini og fyri kirkjugarðinum sum so.
##med2##
Uppskotið
– Hetta birti uppskotið um at gera kirkjugarðin meira sjónligan og viðkomandi hjá fólki.
Tórshavnar Býráð arbeiðir við eini ætlan um, hvussu kirkjugarðurin kundi gerast ein søgumiðdepil við teldutøkni. Tá skal bera til bæði at leita runt í kirkjugarðinum í kirkjugarðinum sjálvum og fáa alla søguna fram á einum skíggja. Hetta ber eisini til at gera heima við hús.
Umframt grundleggjandi upplýsingar sum navn og føði- og deyðsár kann tá fyri hvønn stein lættliga leggjast inn pdf'in – síðuna sum hevur staðið í Sosialinum – av greinini í Sosialinum um avvarðandi grøv.
Í øðrum umfari kann eisini leggjast inn annað, sum er skrivað um viðkomandi, sum um Petur Alberg, Daniel J. Danielsen og fleiri onnur.
##med3##
Tað verður eisini lætt at dagføra tilfarið
Við eini slíkari skipan fer at bera til at ganga frá gravsteini til gravstein og finna søguna um viðkomandi í hvørji grøv.
Tað eru neyvan nógvir aðrir býir, sum kunnu bjóða fólkinum eina slíka tænastu
Nógvir steinar eru illa lesandi, men tað er eingin trupulleiki við ætlaðu skipanini
– Tað er eingin ivi um, at við hesum hugskoti og meiri røkt kundi kirkjugarðurin undir Svínaryggi blivið ein hugnalig minnislund fyri fólkið, sum hevur lagt grundarlagið fyri Havnar býi, heldur Óli Jacobsen.
Hann vísir á, at í Danmark eru fleiri kirkjugarðar, sum hava gjørt nakað líknandi, sum er er skotið upp her. Eitt dømi er Assistense kirkjugarðurin á Nørrebro í Keypmannahavn.e
Men her eru tað bara kendar gravir, sum verða lýstar, meðan vit kunnu lýsa allar gravir sum hava stein. Eisini hjá teimum meira ókendu.
##med4##
