Klæmint og Breiðablik vunnu - Pætur og KA taptu stórt

Tvey føroyingalið vóru í leiki í bestu íslendsku fótbóltsdeildini í dag.

Klæmint A. Olsen kom á vøllin seinastu 20 minuttirnar, tá hann og liðfelagarnir í Breiðablik vunnu 1-0 á KR á útivølli. Støðan var 0-0 tá Klæmint kom á vøllin.

Sigursmálið hjá Breiðablik skoraði Gísli Eyjólfsson tá 82 minuttir vóru leiktir. 

Nú byrjar at líkjast hjá Breiðablik, ið er triðfremst í deildini við 15 stigum fyri sjey dystir.

Pætur J. Petersen kom á vøllin beint eftir steðgin, tá hann og liðfelagarnir í KA taptu stórt 0-4 fyri Vali á Akureyri. Støðan var 3-0 tá Pætur kom á vøllin, og tá var mótbrekkan longu rættiliga brøtt hjá KA.

Leingi var støðan 3-0 til Val, men í tíðini dómarin hevði lagt aftrat økti Valur til 4-0.

KA er nummar fýra í deildini við 11 stigum.

Í annaðkvøld tekur Víkingur Reykjavík við Gunnari Vatnhamar á liðnum móti FH á heimavølli. Fær Víkingur stig í dystinum leggja teir seg aftur á odda í deildini. 

Støðan: