Tvøroyrar kommuna hevur gjørt avtalu við Kreton um at asfaltera kommunalar vegir, parkeringsøkir, gøtur og annað, sum kommunan varðar av.
Kreton fer at asfaltera kring um á Tvøroyri tær næstu vikurnar, og tá verður eisini møguligt hjá privatum og vinnulívinum at fáa asfalt lagt á.
- Í slíkum føri fer Kreton at meta um arbeiðini og upplýsa kostnaðin, og síðan sendir fyritøkan faktura beinleiðis til tann, sum bíleggur uppgávuna.
Tað vita tey at siga á teknisku deild hjá Tvøroyrar kommunu í dag.
