Mikudagin 31. januar skrivaði krúnprinsurin undir eina broyting í líkningarlógini.
– I Kongens Navn: Christian. Kronprins, stendur niðast í lógini, sum er endurgivin á Lovtidende.
Sama dagó góðkendi krúnprinsurin eisini við kongaligari fyriskipan, at ráðharrin Morten Dahlin kundi fara í barnsburðarfarloyvi.
Tað er kongur ella ein, ið er í hansara stað, sum skal skriva undir lógir, fyri at tær skulu koma í gildi í Danmark. Sama skipan er ikki í Føroyum. Her er tað løgmaður, sum skrivar undir lógir, fyri attað skulu fáa gildi.
18 ára gamli krúnprinsurin hevur røkt uppgávuna sum ríkisovast, meðan pápi hansara, Fríðrikur kongur, hevur verið á vinnuferð í Póllandi. Vitjanin endaði í dag.
/ritzau/
