Kunnu læra nógv av útnorðursamstarvi

ÚTNORÐUR

Í seinastu viku hevði Út­norð­ur­­ráð­ið evnisfund í Húsavík í Íslandi, har evnið var Út­­norð­­ur í globaliseraða heim­i­­num.

Poul Michelsen, sum um­­boð­­ar løgtingið í út­norð­ur­ráð­­­num, sigur, at nógv varð tos­­að um hand­ils­sátt­mál­ar, um EFTA, Ev­rop­a­sam­veld­ið o. s. fr.

- Tað var ein góð ráð­stevna, har nógv góð hug­skot komu fram. Vit tosaðu nógv um Hoy­vík­ar­sátt­mál­an, og grøn­lend­ingar gjørdu eis­ini greitt, at teir ikki vóru so á­hug­að­ir í Hoyvíkar­sátt­mál­­a­­num, sigur Poul Mich­el­­sen.

Poul Michelsen vísir á, at með­­an føroyingar og ís­lend­ing­­ar fara ein veg vinnuliga og handilsliga, so draga grøn­­lend­­ing­ar annan veg. Teir eru ikki so áhugaðir í Hoy­vík­ar­sátt­mál­a­num, og teir siga beinleiðis, at teir vilja ikki gera vegin kláran hjá íslendingum at keypa Grøn­­land, sum teir taka til.

Grønlendingarnir avvístu ka­t­e­goriskt at verða við í Hoy­vík­ar­sáttmálánum.

Umboð fyri EFTA vóru eis­ini við á fundinum, og teir greiddu frá, hvørjar møg­u­leik­ar útnorðurlondini hava at taka luta í EFTA-sam­starv­inum.

- Tað var rættiliga týðu­ligt, at okkara statsrættarligu við­ur­skifti ikki eru ein forð­ing fyri limaskapi í EFTA, sig­ur Poul Michelsen.

Ole Stavad, formaður í Norð­ur­land­a­ráðnum var eis­ini við, eins og russisk og norð­ur­norsk umboð eisini vóru við.

- Eingin veit, hvørjir møg­u­leik­ar eru við Hoy­vík­ar­sátt­­mál­a­num. Vit skulu mugu bara gera okkum greitt, at vit á handilsliga øki­num eru aftan fyri ís­lend­ing­ar, men við hesum sátt­mál­a­num, so eri eg sann­førd­ur um, at vit fara at menn­ast handilsliga og vinn­u­liga, sigur Poul Mic­h­el­sen.

Honum dámar ikki kuv­øs­u­pol­i­tikk, sum hann tekur til og vísir á grønlendsku støð­una, har tey ikki vilja lut­taka í hesum samstarvi av ótta fyri at verða við und­ir­lutan.

- At byrgja okkum inni kem­ur ongantíð at bjarga okk­um, men hinvegin fara vit at vaksa við uppgávuni, held­ur Poul Michelsen, sum sær nógv perspektiv í Hoy­vík­ar­sátt­mála­num og í út­norð­­ur­­samstarvinum sum heild.

- Vit kunnu ikki gerast lim­ir í ES. Vit eru ikki limir í EFTA. So er spurningurin, hvat vit so kunnu gera. Ís­lands­sátt­málin er tí ein møg­u­leiki, sum vit eiga at troyta, vísir hann á.

Poul Michelsen heldur eis­ini, at samstarvið við Ís­land fer at menna okkum til betur at duga at taka støðu til bæði EFTA og ES-spurn­ingin.

Kjakið um ES fyllir ann­ars nógv í íslendskum pol­i­tikki. Javnaðarflokkurin, sum júst hevur skipað stjórn sam­an við stóra Sjálv­stæð­is­flokk­i­num er fyri ES-lim­a­skapi. Hóast Sjálv­stæð­is­flokk­ur­in er ímóti, so hoyr­ast alsamt fleiri yngri røddir í flokkinum tosa fyri ES-lima­skapi, vísir Poul Michelsen á.

Poul Michelsen letur anna­rs væl at ráðstevnuni og arbeiðinum í Út­norðurráðnum sum heild. Hann sigur, at arbeiðið er nógv broytt síðstu árini. Fyrstu árini var arbeiðið meira ein viðfáningur og hevði heldur sosialan týdn­ing. Nú verður størri dentur lagdur í arbeiðið, sum heilt víst hevur ótrúlig perspektiv, sigur Poul Michelsen.

Útnorðurráðið

Arbeiði Ráðsins verður fyriskipað og leitt av formansskapinum, sum er ráðsformaðurin og ein limur úr hvørjari av hinum báðum sendinevndunum.

Formansskapur Útnorðurráðsins aug. 2006 til aug. 2007

Jonathan Motzfeldt (Siumut)

Ráðsformaður

Halldór Blöndal(Sjálfstæðisflokkur)

Fyrsti næstformaður

Henrik Old (Javnaðarflokkurin)

Annar næstformaður

Føroyska sendinevndin í Útnorðurráðnum verður vald av Føroya løgtingi.

Henrik Old (Javnaðarflokkurin)

Formaður

Alfred Olsen (Sambandsflokkurin)

Poul Michelsen (Fólkaflokkurin)

Kári P. Højgaard (Sjálvstýrisflokkurin)

Høgni Hoydal (Tjóðveldisflokkurin)

Jenis av Rana (Miðflokkurin)