Ein kvinna á Toftum breyt armin í kvøld, tá hon roynd at steðga bilinum, sum var farin á rull.
Sambært politinum hevði hon startað bilin, sum hevði elektroniska hondbremsu, og helst loyst hondbremsuna eisini – og var so farin inn eftir børnunum. Bilurin heykk tó í bremsuni eina løtu, men fer so á rull.
Tá kvinnan sær bilin rulla, rennir hon aftaná fyri at fanga hann aftur og steðga honum. Hendan royndin miseydnaðist tó, hon kom undir bilin á onkran hátt og breyt armin, meðan bilurin rullaði víðari.
