– Vit fyrireika okkum til samráðingar, og eg haldi absolutt, at vit skulu fara til samráðingar.
Tað segði Johan Christiansen, landsstýrismaður í fiskivinnumálum, við Kringvarpið í gjár.
Hann segði eisini, at hann helt ikki, at vit skulu blanda øll hesi málini saman – hann sipaði til málið um at svartlista tvey russisk reiðarí, sum var til 1. viðgerð í Løgtinginum í gjár.
– Vit í Fiskimálaráðnum fara til samráðingar fyri at fáa eina góða avtalu fyri Føroyar og eina avtalu, sum russar kunnu liva við, segði hann við Kringvarpið.
Tað var stórur spenningur um, hvat hendan samgongan fór at gera við fiskiveiðusáttmálan við Russland, tá hon tók fyri í desember í 2022. Tí flokkarnir lovaðu fyri valið, at komu teir til valdið, so varð eingin fiskiveiðiavtala gjørd, so leingi Russlandi førir kríggj í móti Ukraina.
Men nýggj avtala varð gjørd í 2023 og í 2024, og sambært Johan Christiansen, fiskimálaráðharra, so verður eisini ein nýggj fiskiveiðuaftala gjørd í ár, sum skal verða galdandi fyri næsta ár.
