Ísraelsk herfólk hava funnið líkini av tveimum gíslum í Gazageiranum.
Tað váttar forsetaskrivstovan hjá Benjamin Netanyahu í kvøld.
Sambært ísraelskum miðlum, eitt nú Times of Israel, er annar gíslin 59 ára gamli, Yair Yaakov.
Hann varð dripin, tá Hamas leyp á Ísrael hin 7. oktober í 2023, og líkið varð tikið við inn í Gazageiran.
Sambært forsetaskrivstovuni er eitt lík aftrat funnið, men tað er ikki alment kent enn, hvør hetta er.
Hetta veit tíðindastovan NTB at siga í kvøld, og tað eru ísraelskir miðlar, sum eru kelda til tíðindini.
