Margit Andersen og Elinborg Højgaard hava arbeitt í 35 ár hjá Nes kommunu.
Á lítlari samkomu í gjár handaðu Jóhannus Danielsen, borgarstjóri í Nes kommunu og Marita Dalsgaard, skúlastjóri við Tofta skúla, teimum báðum gávur og blómur.
- Margit Andersen hevur arbeitt sum vaskifólk í Tofta skúla í 35 ár. Hon byrjaði, tá útbyggingin av Tofta skúla varð liðug í 1981. Elinborg Højgaard vaskaði fyrst í læknahølinum, síðan í kommunuskrivstovuni, og frá 1994 hevur hon vaskað í Tofta skúla.
Tað veit Nes kommuna at siga í gjár.
Tær báðar hava á ein fyrimyndarligan hátt røkt sítt arbeiði í 35 ár, og á lítlari samkomu í gjár, saman við teirra starvsfeløgum, takkaðu Jóhannus Danielsen, borgarstjóri og Marita Dalsgaard, skúlastjóri, teimum fyri trúgva og góða tænastu.
Á samkomuni fingu Margit Andersen og Elinborg Højgaard handaðar gávur og blómur.
