SEV fekk væl meiri orku burtur úr vatni og vindi í januar í ár enn í sama mánað í fjør Samlaða el-framleiðslan hjá SEV í januar í ár vaks 1,9 % samanborið við sama mánaða í fjør.
Framleiðslan úr vatni og vindi vaks ávikavist 8,1 og 8,8 % fyrsta mánaðin í ár í mun til sama mánaða í 2008, meðan termiska framleiðslan minkaði 4,1 %. Tað skrivar elfelagið á heimasíðuni.
SEV sigur, at sløk 52 % av framleiðsluni fyrsta mánaðin í ár komu frá varandi orkukeldum.
Tilsamans framleiddi SEV í januar í ár 25.101 mWh móti 24.634 mWh í januar í fjør.
SEV roknar í fíggjarætlan síni fyri í ár við nullvøkstri í framleiðsluni, orsakað av fíggjartrupulleikunum í samfelagnum. Alt árið í fjør vaks framleiðslan 2,4 %.
