Eftir ætlan skuldi forsætisráðharrin, Mette Frederiksen, hittast við Margretu drotning á Amalienborg klokkan 10 í morgun, har hon skuldi kunna drotningina um, hvør skuldi vera nýggi limurin í donsku stjórini.
Men hóast miðlar og áskoðarar vórðu møtt upp uttan fyri Amalienborg, var kortini eingin forsætisráðharri. Orsøkin var, at koronuvirus er staðfest í familjuni hjá Mette Frederiksen, sigur DR.
Ístaðin ljóðaðu boðini, at drotningin verður kunnað um ráðharrarokaduna og nýggja ráðharran umvegis telefon klokkan hálvgum trý seinnapartin.
Mogens Jensen legði í gjár frá sær sum matvørumálaráðharri, og tí skuldi nýggjur - ella møguliga nýggir - ráðharrar finnast.
