Ríkisfelagsskapurin heldur saman. Tað sigur danska forsætisráðfrúan, Mette Frederiksen, sum í dag hevur verið á fundi við løgmann Bárð á Steig Nielsen og grønlendska landsstýrisformannin, Kim Kielsen.
- Altjóða eygu hvíla í hægri mun á Arktis og Norðuratlantin. Bæði orsaka av veðurlagsbroytingum, men eisini tí Grønland og Føroyar liggja í einum strategiskum øki, skrivar Mette Frederiksen á Facebook í dag.
Tey trý hava í dag tosað um júst hetta í Keypmannahavn.
- Fyri meg er tað eingin ivi um, at tað er viktigari enn nakrantíð áður, at vit halda saman í ríkisfelagsskapinum. Tað eru vit trý til alla lukku samd um, sigur hon.
