Um eg skal siga nakað um, hvat tað er, sum teir í Dundalk FC eru serliga stinnir í, so er tað at leggja bóltin innfyri.
Tað segði Mikkjal Thomassen, tá ið facebooksíðan hjá KÍ undan fráferðini úr Vágum í morgun tosaði við KÍ venjaran.
KÍ ferðalagið er nú í Dublin, har spælararnir eru farnir undir fyrireikingarnar til stóru avbjóðingina, sum bíðar hóskvøldið, tá ið tað er pláss í bólkaspælinum í Europa League, sum stendur upp á spæl.
-Teir skiftu venjara í august, og nýggi venjarin hevur broytt spælskipanina frá 4-4-2 ella 4-2-3-1 og til 4-3-3. Í útgangsstøði minnir hetta ikki so lítið um soleiðis, sum HB liðið er skipað. Teir pressa frammarlaga, men bakkarnir eru ikki so framrættaðir, greiðir Mikkjal Thomassen millum annað frá.
https://www.facebook.com/klaksvikaritrottarfelag/videos/3395322617228950
