Halt aftur við feitti, serliga tí mettaða feittinum:
• Halt aftur við teimum vørunum, íð blíva harðar í køliskápinum, tvs. smør, steikimargarin, bakimargarin og blandingsvørur sum t.d. Bakkedal og Kærgården
• Drekk solti-, mini- ella kirnumjólk
• Et ost við í mesta lagi 17% av feitti (30+)
• Vel soltnar súrgaðar mjólkarvørur við í mesta lagi 0,7g/100g
• Vel solti kjøt, t.d. høsnarunga, ella soltin stykkir sum rygglundir og kjøtsneiðir og soltnan viðskera (í mesta lagi 10g feitt/100g)
• Sker tað sjónliga feitti burtur á kjøti eftir at tað er tilgjørt, t.d. feittkantin á kotelettini
• Lat vera við ella skava feittevni á breyðinum
• Koyr steikifeitti burtur
Soleiðis fær tú tær sunnu/sunnaru feittsýrurnar:
• Et fisk og fiskaviðskera fleiri ferðir um vikuna
• Et nøtur við hvørt
• Et avokadu
• Nýt ymiskar plantuoljur til at steikja í
• Nýt plantuolju ella bleytt plantumargarin tá íð tú bakar. 100g fast feittevni kann ofta býtast við ¾ dl olju
Tað er eingin grund til at eta eyka ”heilsuoljur”, sum eru so væl umtóktar nú fyri tíðina. Um tú etur sum tey flestu, fær tú nøkta tín tørv fyri týdningarmiklum feittsýrum. Tað gagnar ikki at eta eyka olju, í staðin fyri er tú í vanda fyri at taka uppá.
