Portalurin hevur fingið hesar báðar fittu myndirnar sendandi, saman við einari lítlari søgu um reaktiónina hjá 5 ára gamla Ísak úr Skopun um hendingarnar í Noregi.
Familjan greiðir soleiðis frá.
- Sonur okkara Ísak, 5 ár, sum er hálv norskur, hevur skilt, at okkurt ræðuligt er hent í Norra teir síðstu dagarnar. Hann yvirraskaði okkum í gjárkvøldið, tá hann aftaná spæl úti, rópti okkum út at síggja ein minnisvarða, hann sjálvur - og uttan uppfordring - hevði bygt.
Ísak segði við familjuna: - Hetta er ein minnisvarði fyri øll tey, sum gráta í Norra, tí ein óndur maður hevur skotið Norra. Seinni segði hann eisini, at tá tey síggja hendan minnisvarðan, fara tey at vita at Jesus troystar tey.
