Í juli 2012 fáa vit vitjan av Nordisk Morris Minor Klubb (NMMK), sum koma higar við einum hópi av flottum Morris Minor í nógvum ymiskum útgávum.
Í hesum sambandi er Thomas Skipper frá Nordisk Morris Minor Klubb og vitjar í Føroyum. Thomas er hálvur føroyingur, hann er abbasonur Erik Petersen í Havn, sum í mong ár koyrdi við Morris Minor.
Nordisk Morris Minor Klubb hevur 588 limir úr Danmark, Norra og Svøríki umframt limir úr øðrum evropeiskum londum.
Eftir ætlan kemur ferðalagið til Føroyar við Norrönu tann 22. juli og fara tey avstað aftur 29. juli. Í hesum sambandi verður ein Morris Minor framsýning hjá Reyni Service í Hoyvík fríggjadagin 27. juli. Reyni Service seldi Morris og onnur ensk bilmerkir í Føroyum frá 1947 til teir yvirtóku Toyota í 1980.
