Týsdagin byrjaði arbeiðið at leggja nýtt graslíki á vøllin vesturi á Eiðinum í Vági.
Arbeiðið hevur gingið væl, og roknað verður við, at tað verður liðugt, og vøllurin handaður Vágs kommunu í næstu viku.
- Hetta graslíki er sera framkomið og kemur frá Domo Sportgrass, sum er størsti veitari av graslíki í Europa, siga tey í Føroya Møblasølu, sum standa fyri arbeiðnum i Vági.
Fyrr í ár stóð Føroya Møblasøla eisini fyri at legga graslíki á stóru Marghøllina í Vági, nú verður so hildið fram vesturi á Eiðinum í somu kommunu.
