Talið av løstaðum eftir jarðskjálvtan á Taiwan mikudagin er nú komið upp á 1050. Tað upplýsa myndugleikarnir í landinum í dag.
Myndugleikarnir vita eisini at siga, at seks námsarbeiðarar, sum hava verið innistongdir í einum námi, eru bjargaðir.
- Framvegis eru 64 námsarbeiðarar í einum øðrum námi ikki bjargaðir, verður lagt aftrat.
Jarðskjálvtin mikudagin er hin harðasti, sum hevur rakt Taiwan í 25 ár. Í 1999 tók ein skjálvti lívið av 2400 fólkum á oynni.
Higartil hevur jarðskjálvtin kravt níggju mannalív, og jarðfrøðingar ávara um, at her kunnu koma eftirskjálvtar.
Tað er tíðindastovan NTB, sum ber hesi tíðindi í dag.
