Í løtuni fiska níggju frystilínuskip í føroyskum sjógvi.
Tað vita tey á Fiskamarknaði Føroya at siga í morgun.
- Eitt ísfiskalínuskip er júst byrjað túr norðanfyri, og tvey frystilínuskip liggja við bryggju.
Lagt verður aftrat, at línuskipini fáa mest av toski, hýsu, longu og brosmu.
- Okkurt línuskip hevur eisini fingið nakað av svartkalva og blálongu.
Um útróður verður sagt, at streymurin verður góður fyrst í vikuni, men harðnar, sum vikan gongur.
- Veðrið verður brúkiligt, og vit vænta, at tað verður nakað av útróðri, siga tey á Fiskamarknaði Føroya í dag.
