Í kvøld spældi føroyingaliðið í næstbestu íslendsku fótbóltsdeildini. Njarðvík seinasta dystin í Lengjubikarunum á hesum sinni.
Í dysti í bólki 3 spældi Njarðvík við Kaj Leo í Bartalsstovu á liðnum - og uttan Martin Klein Joensen - móti Stjörnuni úr bestu fótbóltsdeildini.
Tað eydnaðist Njarðvík, ið spælir í næstbestu deildini at fáa javnleik 1-1, men in.fo frættir frá keldu í Íslandi, at Stjarnan brúkti nógvar eykaleikarar í kvøld.
Svavar Örn Þórðarson legði Njarðvík á odda tá fimm minuttir vóru farnir av seinna hálvleiki. Eitt korter seinni javnaði Stjarnan til endaliga úrslitið 1-1.
Njarðvík endaði aftast í bólki 3 við tveimum stigum fyri fimm dystir.
Kappingin í næstbestu íslendsku fótbóltsdeildini byrjar ikki fyrrenn 3. mai. Áðrenn tað skal Njarðvík leika ein dyst í innleiðandi umfarinum í íslendsku steypakappingini. Tann dysturin verður á útivølli móti Gróttu 13. apríl.
