Skip undir norskum flaggi hava fingið forboð fyri at koma inn í Hormuzsundið. Tað er norska sjóvinnustýrið, sum bannar skipum undir norskum flaggi at sigla gjøgnum Hormuzsundið.
Tað upplýsir norska sjóvinnustýrið í tíðindaskrivi í dag.
– Vit meta ikki, at nøkur reiðarí ætla at sigla inn á hetta økið í nærmastu framtíð, sigur sjóvinnustjórin Alf Tore Sørheim í tíðindaskrivi og leggur afturat:
– Men sum støðan hevur ment seg, er tað týdningarmikið hjá okkum at leggja dent á, at vit nú fara frá einum sterkum tilmæli viðvíkjandi skipaferðsluni í økinum til eitt bann fyri at koma inn í Hormuzsundið.
/Ritzau/
