Nú hava sørvingar og onnur, sum ikki tíma at vaska bilin, fingið høvið at fáa tað gjørt í bilvaskihøllini hjá K.J.O. á Hálsi í Sørvági. Her er ein nýggj bilvaskimaskina sett upp, sum læt upp hósdagin í farnu viku.
- Hugskotið at gera eina bilvaskihøll er eini tvey ára gamalt, og avgerðin varð tikin fyri einum ári síðan. Tað er nakað, sum bendir á, at tørvur hevur verið á hesum tilboði, tí hjá K.J.O. lata tey væl at undirtøkuni higartil.
Tað vita tey í Sørvágs kommunu at siga í dag.
Lagt verður aftrat, at støðin er sjálvvirkandi, og gjaldast kann við gjaldskorti, men um tú ikki hevur gjaldskort, ber til at keypa ein sokallaðan "vaskilykil", sum tað verður rópt.
- Vit ynskja K.J.O. tillukku við bilvaskihøllini og blíðan byr við virkseminum, siga tey í Sørvágs kommunu í dag.
##med2##
