ODDAGREIN: Tá fólkið gyllir formannin

Bankar hava dugað væl at lívgað sín­um, og Tryggignarfelagið Føroyar er einki undantak í so máta.

Í blaðnum fríggjdagin vístu vit á, at fyrr­verandi stjórin í felagnum, sum fekk 3,3 milliónir krónur í løn aft­ur­fyri av egnum ynski at siga seg úr starvi, og sum síðani av nevndini varð skotin upp fyri umboðsráðnum sum fyrsti nevndarlimur, sum ikki var valdur í umboðsráðið, fær um 1,2 milliónir krónur um árið fyri at vera nevndarformaður í høv­uðs­fel­ag­num og nevndarlimur í ymsum und­ir­nevndum.

Tryggingarfelagið Føroyar er eitt sí­n­a­millum tryggingarfelag. Tað merk­ir, at fólk, sum tekna tryggingar í fel­ag­num, eiga felagið. Talan er ikki um eitt partafelag, har tann, sum eigur mest í partapeningini hev­ur størstu ávirkanina á felagið.

Men tað eru fólk, sum koritni hava stórt vald á felagnum. Og hvussu ber tað til?

Demokratiið í felagnum er ikki so eyð­sýnt. Evsta vald sigst vera um­boðs­ráðið, sum verður valt av trygg­ing­ar­takarunum. Valluttøkan er ikki stór – kanska serliga tí, at val­lut­tøku­tilgondin er so fløkt – har nærmast lagt verður upp til trygg­ing­ar­tak­ar­an um ikki at atkvøða.

Eitt so stórt felag, sum Trygg­ing­ar­fel­ag­ið Før­oy­ar átti at sæð eina æru í, at so nógv­ir trygg­ing­ar­tak­ar­ar, sum gjørligt, greiddu at­kvøðu. Tað kundi til dømis verið gjørt við at at ein aktøvðuseðil varð send­ur hvørjum tryggingartakara, so hvør trygginartakari kundi at­kvøtt í mun til síni tryggingargjøld. Men tað tykir ikki sum um, at valdselitan hev­ur á­huga í, at avgerðartilgongdin hev­ur støði í hesum.

Argumentini eru mong og há­floygd. Men tað skerst ikki burt, at trygg­ing­ar­tak­ar­in hevði sæð størri virði í felagum, um tað lívgaði eitt sindur meira hjá teimum á nið­uastu meinigu tryggingargjaldarunum – teimum sum gjalda gildið – heldur enn at forgylla tey á ovastu hædd.

Eitt »fólkins felag«, sum Tryggingarfelagið Føroyar, átti at gingið undan at víst ábyrgd og hógv og harvið virðing fyri teimum, sum gjalda.